ڈیجیٹل کرنسی کی دوڑ، چین سب سے آگےنکل گیا

دنیا بھر میں ڈیجیٹل کرنسی کی دوڑ شروع ہو چکی ہے اور چین بظاہر اس دوڑ میں سب سے آگے ہے۔ چین کا مرکزی بینک دنیا کی پہلی بڑی خود مختار ڈیجیٹل کرنسی متعارف کرانے کی تیاریاں شروع کر چکا ہے۔
آج کا انسان بینک میں کیش جمع کروانے یا رقم نکلوانے کے لیے جاتا ہے لیکن تصور کریں کہ مستقبل کے بینک نوٹوں سے خالی ہوں گے۔ اگر چین کے سینٹرل بینک کا ‘ڈیجیٹل یوآن‘ منصوبہ کامیاب ہو گیا تو یہ تصور حقیقت کا روپ دھار لے گا۔ رواں سال کے آغاز سے چین نے مرکزی بینک کی حمایت یافتہ ڈیجیٹل کرنسی کی بتدریج جانچ پڑتال شروع کر رکھی ہے۔ چین نے اسے ‘ڈی سی ای پی‘ یا ‘ڈیجیٹل کرنسی الیکٹرانک پےمنٹ‘ کا نام دے رکھا ہے۔
اس وقت کئی دیگر ملک بھی اپنی ڈیجیٹل کرنسیاں متعارف کرانے کی تیاریاں کر رہے ہیں لیکن دنیا کی دوسری سب سے بڑی معیشت چین ان میں سب سے آگے ہے۔ ڈیجیٹل کرنسی بٹ کوئن کے حامی اور کروڑ پتی کینڈلر گاؤ کا اگست میں بی بی سی کے ایک پروگرام میں کہنا تھا، ”مستقبل میں ہر کوئی ڈی سی ای پی استعمال کر رہا ہو گا۔‘‘
افواہوں کے مطابق آئندہ چند ماہ میں چینی عوام بھی ڈی سی ای پی استعمال کر سکیں گے جبکہ پیپلز بینک آف چائنا اولمپک دو ہزار بائیس میں اس ڈیجیٹل کرنسی کو استعمال کرنا چاہتا ہے۔ اگر یہ منصوبہ کامیاب رہا تو ڈیجیٹل یوآن نوٹوں اور پےپال جیسی آن لائن پےمنٹ دونوں کو ہی ختم کر دے گا۔ ماہرین کے مطابق چین اس طرح دنیا میں امریکی غلبے کو چیلنج کرنے کی پوزیشن میں بھی آ جائے گا۔
ڈیجیٹل کرنسی کا ٹریک:
اس وقت مارکیٹ میں موجود بٹ کوئن، لائٹ کوئن یا دیگر ڈیجیٹل کرنسیوں کی قدر تیزی سے اوپر نیچے ہوتی رہتی ہے لیکن چینی ڈیجیٹل کرنسی کی قدر یوآن کی قدر کے برابر ہی رہے گی۔ یعنی ڈی سی ای پی کوئن ایک مستحکم کرنسی ہو گا۔
یوآن کی طرح یہ ڈیجیٹل کوئن بھی چین کا مرکزی بینک ہی جاری کرے گا۔ لیکن یوآن کے برعکس چینی حکومت ہر ایک ڈیجیٹل کوائن کو ٹریک کر سکے گی کہ وہ اس وقت کہاں موجود ہے؟ چین کے کمرشل بینک ڈی سی ای پیز کو اپنے صارفین میں تقسیم کریں گے۔ صارفین اس ڈیجیٹل کرنسی کو اپنے بینک اکاؤنٹس سے اپنے ڈیجیٹل والٹس یا کرنسی ایپس میں ڈاؤن لوڈ بھی کر سکیں گے یا پھر یہ اے ٹی ایم سے بھی ڈیجیٹل اکاؤنٹس میں ٹرانسفر ہو سکے گی۔
اس ڈیجیٹل کرنسی سے ایک عام صارف اپنے موبائل کا صرف ایک بٹن دباتے ہی ادائیگی کرنے کے قابل ہو جائے گا۔ اس طرح ابھی تک ادائیگیوں کے سلسلے میں علی پے یا پےپال جیسی تیسری پارٹیوں کا کردار بھی ختم ہو جائے گا۔
امریکی اجارہ داری کا خاتمہ:
چین میں موبائل فون سے ادائیگیوں کا سلسلہ اب بھی موجود ہے اور یہی عادت ڈیجیٹل یوآن کو رائج کرنے میں معاون ثابت ہو گی۔ یہ نہ صرف صارفین کے لیے آسان طریقہ ہے بلکہ کمیونسٹ حکومت کو بھی اس سے فوائد حاصل ہوں گے۔
جرمنی کی کونراڈ آڈےناؤر فاؤنڈیشن کے چینی ڈیجیٹل کرنسی سے متعلق پروجیکٹ منیجر الیکسانڈر باڈن ہائم کا ڈی ڈبلیو سے گفتگو کرتے ہوئے کہنا تھا کہ اس طرح چینی حکومت ڈومیسٹک فنانشل ٹرانزیکشنز پر بھی مکمل کنٹرول حاصل کر لے گی۔
ان کے مطابق اس طرح چین کو دیگر ممالک پر برتری حاصل ہو جائے گی کیوں کہ وہ اس ٹیکنالوجی میں مزید نئے طریقے متعارف کرانے والا پہلا ملک بن جائے گا۔ باڈن ہائم کہتے ہیں، ”چین ادائیگیوں سے متعلق اپنا ایک بین الاقوامی نظام تیار کرنے میں بھی مصروف ہے، جو سوِفٹ نظام کا مقابلہ کر سکے گا۔‘‘ اب تک دنیا میں فنانشل ٹرانزیکشنز امریکی ڈالر پر مبنی سوِفٹ نظام کے ذریعے ہوتی ہیں۔ ماہرین کے مطابق اگر چینی ڈیجیٹل نظام سامنے آیا تو پھر یہ ادائیگیاں ڈیجیٹل یوآن کی بنیاد پر ہوا کریں گی۔
باڈن ہائم کا کہنا تھا، ”یہ وقت بہت اہم ہے۔ اس وقت چین اور امریکا کے راستے ایک دوسرے سے جدا ہو رہے ہیں۔‘‘
انٹرنیشنل مانیٹری فنڈ کے مطابق اس وقت مرکزی بینکوں کے غیر ملکی زرمبادلہ کے 60 فیصد سے زیادہ ذخائر امریکی ڈالر میں ہیں۔ یہی وجہ ہے کہ یہ بینک ڈالر میں کاروبار کرنے کو ترجیح دیتے ہیں۔ دوسرے نمبر پر یورو ہے، جس کے مختلف ممالک کے مرکزی بینکوں میں زرمبادلہ کے ذخائر تقریباﹰ بیس فیصد کے قریب بنتے ہیں۔
ماہرین کے مطابق اگر ڈیجیٹل یوآن مرکزی بینکوں تک آیا تو پھر بینک اسی کرنسی میں کاروبار کرنے کو ترجیح دیں گے۔ ڈی سی ای پی کیوں کہ چین کا مرکزی بینک جاری کرے گا تو عالمی منڈیوں میں اس کا اثر و رسوخ بھی بڑھ جائے گا۔
ڈیجیٹل کرنسیوں کی عالمی دوڑ:
ایسی بہت سی وجوہات ہیں، جن کی وجہ سے لازمی نہیں کہ چین عالمی سطح پر ڈیجیٹل کرنسی لیڈر بن کر ابھرے۔ یورپی مرکزی بینک نے دو اکتوبر کو اعلان کیا کہ وہ یورپی یونین میں ڈیجیٹل یورو لانچ کرنے کی تیاریوں میں مصروف ہے۔ دوسری جانب فیس بک لبرا کوئن بھی متعارف کرا چکا ہے۔ یہ سوشل میڈیا پلیٹ فارم نجی سطح پر اپنے 2.7 بلین صارفین کو یہ کرنسی پیش کرنا چاہتا ہے۔
یہ منصوبہ سامنے آنے کے بعد دنیا بھر کے مالیاتی ریگولیٹرز کی طرف سے اس کی مذمت کی گئی تھی۔ ڈیجیٹل کرنسی کی دوڑ میں کون فاتح ہو گا، یہ تو مستقبل ہی بتائے گا لیکن موجودہ صورتحال میں چین میں بھی نوٹوں کی سرکولیشن فی الحال جاری رہے گی۔
جو بات یقین سے کہی جا سکتی ہے، وہ یہ ہے کہ مستقبل ڈیجیٹل کرنسی کا ہے اور یہ کرنسی ہر قسم کے کاروبار اور شعبہ زندگی پر اثر انداز ہو گی۔
بارش کے بعد ہوا ميں پانی کے تیرتے ہوئے ننھے ننھے کروی (گیند نما Spherical) قطروں پر جب سورج کی سفید روشنی پڑتی ہے تو سات رنگوں میں بکھر جاتی ہے جسے دھنک یا۔۔۔ مزید پڑھیں

آج ہم وٹامن ای کے ان حیران کن فوائد اوراستعمالات کے بارے میں بتائیں گے، جن کے بارے میں آپ نے کبھی بھی نہیں سناہوگا۔وٹامن ای کومختلف اشیاے کے ساتھ۔۔۔ مزید پڑھیں

ملک و ملت کا نام روشن کرنے والوں کا نام روشن رکھنا زندہ قوموں کا شیوہ رہا ہے۔ ہم بحیثیتِ پاکستانی اپنے فرزندِ ملت ڈاکٹر عبدالسلام کی کاوشوں کو سراہتے ہیں۔۔۔ مزید پڑھیں

کچھ کھانے ایسے ہیں جنہیں دوسرے کھانوں میں شامل کر کے کھایا جائے تو وہ ہمارے نظام انہظام پر اچھے اثرات مرتب نہیں کرتے اور بعض دفعہ ہمیں بیمار بھی کر دیتے ہیں۔۔۔ مزید پڑھیں

دنیا میں چند عمارات ایسی بھی ہیں جن کی تعمیر پر ایک شاہانہ بجٹ خرچ کیا گیا ہے جس کے ساتھ ہی انہیں دنیا کی مہنگی ترین عمارات ہونے کا اعزاز حاصل ہوچکا ہے۔۔۔ مزید پڑھیں

ایک دن نائی نے بادشاہ سے عرض کیا،حضور آپ وزیر کی جگہ مجھے وزیر کیوں نہیں بنا دیتے۔ بادشاہ نے مسکرا کر حجام کی طرف دیکھا اور اس سے کہا،ٹھیک ہے لیکن پہلے تم۔۔۔ مزید پڑھیں

یہ تاریخ کا پہلا واقعہ تھا کہ کسی ہندو کی چتا کو آگ نہ لگنے کی وجہ سے شمشان گھاٹ میں ہی دفنا دیا گیا ۔ایک ہندو احترام قران میں اس دنیا کی آگ سے محفوظ رہا ہم اس کتاب پر۔۔۔ مزید پڑھیں

یہ ایک مفلس غریب الوطن کے عزم و ہمت کی انوکھی داستان ہے جو ثابت کرتی ہے کہ آپ ڈٹے رہیں، محنت کرتے رہیں تو بالآخر کامیابی آپ کے قدم چومتی ہے۔۔۔ مزید پڑھیں

برہنہ حالت میں کبھی خود کو آئینے میں مت دیکھیں کیونکہ اس طرح جن آپ پر عاشق ہو سکتے ہیں اور آپ کے ساتھ تعلق کی کوشش کر سکتے ہیں۔ ایسی صورت میں اور کوئی بھی ۔۔۔ مزید پڑھیں

جوزف سوان اور تھامس ایڈیسن نے 1870 کی دہائی میں بجلی کا بلب بنایا۔ اس سے چند برس بعد ایڈیسن نے بجلی بنانے کے سٹیشن نیویارک میں پرل سٹریٹ اور لندن میں ۔۔۔ مزید پڑھیں

انسان نے سونا 8,000 سال قبل دریافت کر لیا تھا۔ 750 سال قبل از مسیح تک یعنی سونے کی دریافت کے سوا پانچ ہزار سال بعد تک انسان صرف سات دھاتوں سے واقف تھا ۔۔۔ مزید پڑھیں

سورہ کہف کی تلاوت فتنے دجال سے نجات کا باعث ہے ۔ خروج دجال قیامت کی بڑی نشانیوں میں سے ایک ہے اور فتنہ دجال زمانے کے شروفتن میں سب سے بڑا فتنہ ہے مکہ مکرمہ۔۔۔ مزید پڑھیں