جاپانی پھل(پرسیمن) صحت کےلیے انمول تحفہ

اسے اردو میں جاپانی پھل یا املوک کہتے ہیں اور انگریزی میں “پر سی من “۔ دراصل یہ جاپانی نہیں بلکہ چینی پھل ہے جو 2000 سال پہلے چین میں دریافت ہوا اور اس کے چرچے جاپان اور کوریا میں پھیلے پھر وہاں سے یورپ اور پھر امریکہ جاپہنچے حالانکہ امریکہ میں پہلے سے ہی اسکی ایک نسل دریافت ہوچکی تھی۔
پاکستان میں چونکہ پچھلی کچھ دہائیوں سے یہ دیکھا جارہا ہے جو کہ دراصل جاپان سے منگوایا گیا تھا اس لئیے اسےجاپانی پھل کی پہچان مل گئی۔ اسکی دنیا میں سب سے زیادہ پیداوار چین میں ہوتی ہے جو کہ کل دنیا کی پیداوار کا %70 ہے۔
پر سی من کا مطلب ہے خشک پھل۔ یہ پھل اکثر مکمل پکا ہوا نہ کھایا جائے تو گلا پکڑ لیتا ہے۔ اصل میں ایسا اس میں موجود ایک کیمیکل Tannins کی وجہ سے ہوتا ہے اور یہ نقصان دہ نہیں ہے بس اس کو پکنے کے بعد کھائیں۔کچے پھل کو پکنے یا نرم کرنے کے لئے اسے چاولوں یا بھورے بیگ یا اخبار وغیرہ سے ڈھانک کر رکھ دیں اور کچھ دنوں بعد دیکھیں، اصل میں پھلوں سے ایک گیس نکلتی ہے جو پھل کو تازہ رکھتی ہے اور پکاتئ ہے۔ اسے Ethylene کہتے ہیں۔
چاولوں کے اندر کچا پھل دبانے سے یہ گیس اندر ہی قید ہوجاتی ہے اور پھل پک جاتا ہے۔ یہ Ethylene گیس سیب کے پھل میں بھی بہت زیادہ ہوتی ہے اس لئیے اسے سیب کے ساتھ رکھنے سے بھی یہ پک کر بالکل نرم (پولا) ہوجائے گا اور انتہائی مزیدار زائقہ دے گا۔ یا اس کو بس کچھ دن چھوڑ دیں یہ خود ہی نرم ہوجائے گا پھر کھائیں۔ اسے دھوپ میں سکھا کر (Dehydrated) ساوگی کی طرح بھی کھایا جاتا ہے وہ طریقہ بھی بہت مزیدار ہے۔
اس پھل کے کیا فائدے ہیں دیکھتے ہیں:
1۔ اس میں وٹامن A پایا جاتا ہے جو کہ آنکھوں کی صحت کے لئیے بڑا مفید ہے یہ وقت گزرنے کے ساتھ ساتھ ہونے والی نظر کی کمزوری سے بھی بچاتا ہے. وٹامن اے آپ کے جسم کے امیون سسٹم کو بہتر کرکے کئی قسم کے کینسرز اور جلدی بیماریوں سے محفوظ رکھتا ہے۔
2۔اس میں فائیبر پایا جاتا ہے جو پیٹ کے لئیے بڑا زبردست ہے۔ یہ قبض کو دور کرکے نظام انہضام کو بہتر کرتا ہے۔ بلکہ یہی نہیں ، فائئبر شوگر لیول اور کولیسٹرول کو بھی بہتر کرکے دل کو مضبوط کرتا ہے . یہ موٹاپا دور کرنے میں بھی بہترین ہے اور بھوک ختم کرتا ہے۔ چین جاپان وغیرہ میں اس کے بنے بسکٹ ملتے ہیں جن کے کھاتے ہی بھوک کا احساس دور ہوجاتا ہے۔
3۔اس میں Tannins بڑی مقدار میں موجود ہوتا ہے۔ یہ ایک کیمیکل چیز ہے جو کہ Anti-Oxidant اور anti- inflammatory خصوصیات رکھتی ہے۔
+ اینٹی آکسی ڈینٹ جسم میں موجود Free Radical مالیکیول کو نارمل کرکے جلد کو بہتر کرتی ہے اور کینسر سے بچاتی ہے۔
+اینٹی انفلے مے ٹوری خصوصیت ہونے کی وجہ سے یہ جوڑوں کے درد کو کم کرتی ہے . بہت سارے کینسرز اور ڈپریشن سے بچاتی ہے۔
4۔اس میں Flavonoids اور Carotenoids کیمیکلز ہوتے ہیں۔
+ فلے وو نوئیڈز جسم کو زہریلے مادوں سے محفوظ رکھتے اور Anti-Oxidant کی طرح کام کرتے ہیں۔
+اس میں موجود Carotenoids کو ہمارا جسم وٹامن A بنا کر آنکھوں اور امیون سسٹم کو بہتر بناتا ہے۔
پتوں کی چائے:
اس کے پتے خشک ہوں یا سبز ، اس کے پتوں کا قہوہ بھی امرود کے پتوں کی طرح شفا بخش ہے۔ اس کے پتوں میں وٹامن سی، فائیبر , امینو ایسڈ، میگنیشیم اور ٹیننس ہوتا ہے جو جسم کی قوت مدافعت بہتر کرتا ہے، کینسر ، دل کی بیماریوں اور جلدی امراض سے بچاتا ہے۔
کیا اسے پاکستان میں اگایا جاسکتا ہے؟
بالکل اگایا جاسکتا ہے بلکہ اس کا اگانا اور دیکھ بھال انتہائی آسان ہے۔ جو American Persimmon ہے وہ تو زیادہ موسم کی سختیاں برداشت کر سکتا ہے لیکن مسئلہ یہ ہے کہ اس کا ایک پودا نہیں بلکہ دو پودے لگانے پڑتے ہیں۔ ایک پودا نر اور ایک مادہ ہوگا مطلب ایک پہ نر پھول اور ایک پہ مادہ پھول لگیں گے جن کی کراس پولینیشن ہوگی اور پھل بنے گا۔
جبکہ جاپانی Persimmon جس کا سائینسی نام Diaspyros Kaki ہے، یہ ایک ہی پودا کافئ ہے جس پر نر اور مادہ دونوں پھول لگتے ہیں اور پولینشین بھی آسان ہوجاتی ہے اور پھل بنتا ہے۔ پولینیشن کا آسان مطلب ہے درخت کے پھول کا پھل اور بیج میں تبدیل ہونا۔
یہ قلم کاری اور بیج دونوں طریقوں سے اگایا جاسکتا ہے ۔ یہ ہلکی ٹھنڈ والے علاقوں میں زیادہ موثر طریقے سے اگتا ہے، دھوپ اسے پسند ہے اور کھڑے پانی میں یہ کھڑا نہیں رہ سکتا البتہ تھور زدہ زمین بھی کچھ عرصہ برداشت کر لیتا ہے۔ اسکی جڑ بہت لمبی ہوتی ہے اس لئیے جب آپ قلم کاری کریں یا بیج سے بنے ہوئے ننھے پودے کو ایک بڑی جگہ منتقل کریں تو تھوڑا گہرا گڑھا کھودیں اور اطراف کو بھئ چوڑائی سے کھلا کریں ایک کوپی (funnel) کی طرح۔
درمیان میں فرٹیلائیزر وغیرہ ڈال کر قلم یا پودے کو بیچ میں رکھ کر اطراف سے مٹی ڈال کر بند کردیں۔ عام طور پر بیجوں سے اگنے والے پودے کو پھل دینے میں تین سال لگ جاتے ہیں اور قلمکاری سے ایک سال میں ہی نتیجہ آنا شروع ہوجاتا ہے۔ اس پودے کو آپ باقاعدگی سے پانی دیتے رہیں لیکن پانی کھڑا بالکل نہ ہونے دیں اور اس بات کی تسلی کریں کہ اسے باقاعدہ دھوپ مل رہی ہے۔
یہ بہت زیادہ تعداد میں سردیوں میں پھل دیتا ہے۔ درخت کی خراب ٹہنیوں ، پتوں وغیرہ کو باقاعدہ کاٹتے رہئیے (Pruning) تاکہ پودا بہتر اگے یہ دس سے بیس فٹ تک یا اس سے بھی زیادہ اگ سکتا ہے۔
اس کے درخت کی چھال کیکر کے درخت کئ طرح موٹی ہوتی ہے اور اسکی لکڑی بھوری اور اندر سے کالی ہوتی ہے۔ اس کی لکڑ پالش کرنے پر ایک خاص چمک رکھتی ہے اس لئیے اسے فینسی فرنیچر بنانے میں استعمال کیا جاتا ہے اور کھیلوں کے بہت سارے سامان مثلاً کمان سازی، سنوکر کی چھڑی، موسیقی کے مختلف ڈھول کی چھڑی، گالف کی چھڑی وغیرہ بنائے جاتے ہیں۔
چین کا ایک علاقہ GongCheng Yao اس پھل کے درختوں کامرکز ہے جہاں اکتوبر میں اس درخت کے پتے جھڑ جاتے ہیں اور ہر طرف پیلے پیلے پھل نظر آتے ہیں۔ یہاں کے باشندے اس پھل کی کٹائی(چنائی) دھوم دھام سے مناتے ہیں ۔جاپانی پھل بلاشبہ ایک عمدہ صحت بخش غذا ہے۔

تحریر:عظیم لطیف

بارش کے بعد ہوا ميں پانی کے تیرتے ہوئے ننھے ننھے کروی (گیند نما Spherical) قطروں پر جب سورج کی سفید روشنی پڑتی ہے تو سات رنگوں میں بکھر جاتی ہے جسے دھنک یا۔۔۔ مزید پڑھیں

آج ہم وٹامن ای کے ان حیران کن فوائد اوراستعمالات کے بارے میں بتائیں گے، جن کے بارے میں آپ نے کبھی بھی نہیں سناہوگا۔وٹامن ای کومختلف اشیاے کے ساتھ۔۔۔ مزید پڑھیں

ملک و ملت کا نام روشن کرنے والوں کا نام روشن رکھنا زندہ قوموں کا شیوہ رہا ہے۔ ہم بحیثیتِ پاکستانی اپنے فرزندِ ملت ڈاکٹر عبدالسلام کی کاوشوں کو سراہتے ہیں۔۔۔ مزید پڑھیں

کچھ کھانے ایسے ہیں جنہیں دوسرے کھانوں میں شامل کر کے کھایا جائے تو وہ ہمارے نظام انہظام پر اچھے اثرات مرتب نہیں کرتے اور بعض دفعہ ہمیں بیمار بھی کر دیتے ہیں۔۔۔ مزید پڑھیں

دنیا میں چند عمارات ایسی بھی ہیں جن کی تعمیر پر ایک شاہانہ بجٹ خرچ کیا گیا ہے جس کے ساتھ ہی انہیں دنیا کی مہنگی ترین عمارات ہونے کا اعزاز حاصل ہوچکا ہے۔۔۔ مزید پڑھیں

ایک دن نائی نے بادشاہ سے عرض کیا،حضور آپ وزیر کی جگہ مجھے وزیر کیوں نہیں بنا دیتے۔ بادشاہ نے مسکرا کر حجام کی طرف دیکھا اور اس سے کہا،ٹھیک ہے لیکن پہلے تم۔۔۔ مزید پڑھیں

یہ تاریخ کا پہلا واقعہ تھا کہ کسی ہندو کی چتا کو آگ نہ لگنے کی وجہ سے شمشان گھاٹ میں ہی دفنا دیا گیا ۔ایک ہندو احترام قران میں اس دنیا کی آگ سے محفوظ رہا ہم اس کتاب پر۔۔۔ مزید پڑھیں

یہ ایک مفلس غریب الوطن کے عزم و ہمت کی انوکھی داستان ہے جو ثابت کرتی ہے کہ آپ ڈٹے رہیں، محنت کرتے رہیں تو بالآخر کامیابی آپ کے قدم چومتی ہے۔۔۔ مزید پڑھیں

برہنہ حالت میں کبھی خود کو آئینے میں مت دیکھیں کیونکہ اس طرح جن آپ پر عاشق ہو سکتے ہیں اور آپ کے ساتھ تعلق کی کوشش کر سکتے ہیں۔ ایسی صورت میں اور کوئی بھی ۔۔۔ مزید پڑھیں

جوزف سوان اور تھامس ایڈیسن نے 1870 کی دہائی میں بجلی کا بلب بنایا۔ اس سے چند برس بعد ایڈیسن نے بجلی بنانے کے سٹیشن نیویارک میں پرل سٹریٹ اور لندن میں ۔۔۔ مزید پڑھیں

انسان نے سونا 8,000 سال قبل دریافت کر لیا تھا۔ 750 سال قبل از مسیح تک یعنی سونے کی دریافت کے سوا پانچ ہزار سال بعد تک انسان صرف سات دھاتوں سے واقف تھا ۔۔۔ مزید پڑھیں

سورہ کہف کی تلاوت فتنے دجال سے نجات کا باعث ہے ۔ خروج دجال قیامت کی بڑی نشانیوں میں سے ایک ہے اور فتنہ دجال زمانے کے شروفتن میں سب سے بڑا فتنہ ہے مکہ مکرمہ۔۔۔ مزید پڑھیں