فون چارجنگ میں یہ 10غلطیاں ہرگز نہ کریں!

فون کی بیٹری کو چارج رکھنا موجودہ دور میں ہمارے لیے ایسے ہی اہم ہو گیا ہے جیسے روز کھانا کھانا اور جیسے اچھا بُرا کھانا صحت پر اثر انداز ہوتا ہے بلکل ایسے ہی موبائل فون کی بیٹری کو ٹھیک طریقے سے چارج نہ کرنا جہاں بیٹری کی لائف کم کر دیتا ہے وہاں فون کی رفتارپر بھی اثر انداز ہوتا ہے۔
اس آرٹیکل میں فون چارج کرتے ہوئے عام کی جانے والی چند غلطیوں کو جن کی ہم پروا نہیں کرتے تحریر میں لایا جارہا ہے، یہ غلطیاں بظاہر غلطیاں نظر نہیں آتی مگر درحقیقت ہمارے الیکٹرونکس کے آلات کو شدید نقصان پہنچاتی ہیں۔
چارجر ساکٹ میں لگا کربھول جانا:
فون کے چارجر کو بجلی کی ساکٹ میں لگا چھوڑ دینا تاکہ استعمال سے پہلے ہمیں بٹن دبانے کی تکلیف برداشت نہ کرنی پڑے ہماری عام عادت ہے اور اس عادت کی قیمت ہم اپنے بجلی کے بل میں بھی ادا کرتے ہیں کیونکہ چارجر فون چارج کرے نہ کرے بجلی استعمال کرتا رہتا ہے، اس سے چارجر جلد خراب بھی ہو جاتا ہے اور اگر چارجر کے آس پاس نمی زیادہ ہو تو عین ممکن ہے کے یہ شارٹ سرکٹ پیدا کر کے آگ لگانے کا باعث بنے۔
بیٹری فُل:
بیٹری اگر 100 فیصد چارج ہو تو یہ دیکھ کر دل میں ایک رومانس سا اُٹھتا ہے اور اس رومانس کی قیمت بیٹری کو اپنی لائف گنوا کر ادا کرنی پڑتی ہے، ہر موبائل بیٹری کا ایک چارج سائیکل ہوتا ہے جو بیٹری 100 فیصد چارج ہونے کے بعد گرتا ہے اور اگر بیٹری کو ہر دفعہ 100 پرسنٹ چارج کیا جائے تو یہ چارج سائیکل جلد ختم ہوجاتا ہے اور بیٹری ڈیڈ ہوجاتی ہے۔چارج سائیکل کو خاموش رکھنے کے لیے کوشش کریں کے بیٹری 15 فیصد سے 85 فیصد کے درمیان چارج کریں اور کبھی کبھار اسے فُل چارج کریں۔
فون بیٹری ڈیڈ ہونے سے پہلے نہ چھوڑنا:
بیٹری ڈیڈ ہونا بھی بیٹری کے چارج سائیکل کو متاثر کرتا ہے اور یہ چارج سائیکل ہر لیتھیم والی بیٹری میں موجود ہوتا ہے۔
سونے سے پہلے فون کو چارجنگ پر لگانا :
ہماری یہ عادت جہاں بجلی ضائع کرتی ہے وہاں بیٹری کو اوور چارج کر کے نقصان پہنچاتی ہے اس لیے بہتر ہے کہ فون کو 85 پرسنٹ تک چارج کرکے چارجر سے علیحدہ کر دیں۔
چارجنگ کے دوران فون کا استعمال:
یہ غلطی بیٹری کو شدید نقصان پہنچاتی ہے اس سے بیٹری پر بوجھ بڑھ جاتا ہے کیونکہ وہ ایک ہی وقت میں چارجنگ بھی کر رہی ہوتی ہے اور فُون بھی چلا رہی ہوتی ہے اور ایسا مسلسل بوجھ بیٹری کو جلد ناکارہ بنا دیتا ہے۔
 ایمرجنسی بیٹری وارننگ سے پہلے چارجنگ:
تقریباً سبھی فُون 20 فیصد بیٹری رہ جانے پر بیٹری چارج کرنے کا عندیہ دیتے ہیں، اس عندیے سے پہلے بیٹری چارج کرنا بیٹری کو کمزور کرنے کا باعث بنتا ہے۔
فُون سے کؤر نہ اُتارنا:
یہ غلطی تو تقریباً سبھی کرتے ہیں اور چارجنگ سے پہلے فُون سے پلاسٹک یا لیدر وغیرہ کا کؤر نہیں اُتارتے، بیٹری چارجنگ کے دوران گرم ہوتی ہے اور کؤر کی وجہ سے جلدی ٹھنڈی نہیں ہو پاتی اور اسکے جلد اوؤر ہیٹ ہونے کا خطرہ بڑھ جاتا ہے جس سے بیٹری کی لائف کم ہوجاتی ہے۔
ناقص چارجرکا استعمال:
فون کو ہمیشہ اُس کے اوریجنل چارجر سے چارج کرنا یا سرٹیفائیڈ موبائل چارجرز کا استعمال کرنا ضروری ہے اور سستے اور ناقص چارجر جو بیٹری کو مقررہ مقدار سے کم یا زیادہ پاور دیتے ہیں وہ بیٹری سمیت فون کا بھی ستیاناس کر دیتے ہیں۔
فون لیپ ٹاپ سے چارج کرنا:
لیپ ٹاپ میں موجود یو ایس بی پورٹ آپ کے موبائل کو مطلوبہ مقدار میں پاؤر سپلائی نہیں کرتی جس سے بیٹری چارج ہونے کا وقت طویل ہوجاتا ہے اور بیٹری کی لائف پر اثر پڑتا ہے۔
فضول موبائل اپلیکیشن:
ہمارے فون کی میموری میں بہت سی ایپلیکینشز جو ہم استعمال نہیں کر رہے ہوتے پڑی رہتی ہیں اور بیٹری استعمال کرتی رہتی ہے اس لیے ضروری ہے کے ایسی تمام ایپلی کیشنز کو پابند کیا جائے کے وہ استعمال نہ ہونے کی صُورت میں بیٹری اور میموری پر بوجھ مت بنیں۔